"O'zenergosotish" AJ Boshqaruvi raisi Jahongir Obidjonov xizmat safari bilan Sirdaryo viloyatida bo'lib turibdi.

Safar davomida davlat-xususiy sheriklik asosida faoliyat yuritayotgan stansiyalardagi ishlar o'rganildi. Loyihalarning amalga oshirilishi, texnik holati va xizmat ko'rsatish sifati tahlil qilindi.

Shuningdek, hududiy bo'linmalarda xodimlar uchun yaratilgan shart-sharoitlar ko'zdan kechirildi. Xodimlarning samarali faoliyat yuritishi uchun zarur muhitni shakllantirish, mehnat sharoitlarini yanada yaxshilash masalalariga alohida e'tibor qaratildi.

Bundan tashqari, debitor qarzdorliklarni undirish yuzasidan amalga oshirilayotgan chora-tadbirlar bilan tanishilib, mavjud muammolar va ularning yechimlari muhokama qilindi.

Xizmat safari davom etmoqda.